У маі пачынаецца тур прэзентацый рамана «Слон» – першай гучнай кнігі беларускай літаратуры пра вайну Расіі супраць Украіны. Пісьменнік Саша Філіпенка правядзе літаратурныя вечарыны ў Варшаве, Кракаве, Вільнюсе, Берліне ды іншых гарадах.
«Слон» – новы раман беларускага пісьменніка Сашы Філіпенкі, які аўтар называе «антыкніга». У розных краінах яна гучыць па-рознаму: у Расіі – антываенная, у Беларусі – антыдыктатарская, у ЗША – антытрампісцкая.
Гэта першы гучны твор на беларускай мове, які адкрыта гаворыць пра вайну Расіі супраць Украіны. Філіпенка адзначае: «Важна, каб тэкст выйшаў цяпер, калі людзі ў Расіі сядзяць з языкамі ў дупах».
Прэзентацыя рамана пройдзе ў наступных гарадах:
- 18 мая – Варшава.
- 21 мая – Вроцлаў.
- 22 мая – Кракаў.
- 23 мая – Рыга.
- 25 мая – Вільнюс.
- 26 мая – Берлін.
- 27 мая – Мюнхен.
- 28 мая – Дзюсельдорф.
На імпрэзах аўтар прачытае фрагменты кнігі, раскажа пра сімвалы рамана (напрыклад, пра слана, які з’явіўся ў горадзе), абмяркуе тэмы вайны, кахання і выбару паміж сумленнем і камфортам. Госці змогуць задаць пытанні, атрымаць аўтографы і зрабіць фота з пісьменнікам.
Кнігу можна будзе набыць на мерапрыемствах – першыя наклады выйдуць 17 мая на беларускай і рускай мовах.
Білеты можна набыць тут.
Саша Філіпенка – беларускі пісьменнік, аўтар кніг «Былы сын», «Крэмулятар», «Чырвоны крыж», «Вяртанне ў астрог» і іншых. Ён адкрыта крытыкуе ўлады Беларусі і Расіі. На працягу доўгага часу жыў у Расіі, дзе працаваў у незалежных медыя.
Улетку 2023 года ў Вільнюсе паставілі яго п’есу «Ціхары», у якой апісваюцца падзеі ў Беларусі ў 2030 годзе. Паводле сюжэту, адбыўся апакаліпсіс, але нават ён не спыніў палітычных судоў – цяпер іх праводзяць у бункеры.
У тым жа годзе бацьку Філіпенкі арыштавалі на 13 сутак за рэпост незалежнага медыя. Пазней ён расказваў, што бацьку выклікалі на допыты, дзе распытвалі пра сына.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: @centras.info.
