Днямі выдавецтва «***шкевіч» анансавала ў сваіх сацсетках выхад на беларускай мове рамана «Віно з дзьмухаўцоў» амерыканскага пісьменніка Рэя Брэдберы.
Кніга расказвае гісторыю 12-гадовага Дагласа Сполдынга, які жыве ў невялікім гарадку Грынтаўн. Праз погляд хлопчыка звычайнае лета ператвараецца ў чараду адкрыццяў, прыгод і важных жыццёвых урокаў. Адным з галоўных сімвалаў твора становіцца віно з дзьмухаўцоў, якое дзед героя нарыхтоўвае як своеасаблівую «капсулу часу», што захоўвае ўспаміны пра сонечныя дні.
Раман упершыню выйшаў у 1957 годзе і лічыцца адным з самых вядомых твораў Рэя Брэдберы.
Продажы беларускага выдання стартуюць 23 ліпеня. Да 20 ліпеня кнігу можна замовіць за 53,90 зл. (каля 40 руб.), пасля выхаду яна будзе каштаваць 59,90 зл. (каля 45 руб.).
Аформіць папярэдні заказ можна на Knihauka.com у раздзеле Preorder.
Фармальна ўлады Беларусі ўносяць людзей і розныя ініцыятывы ў спісы «экстрэмістаў» і «тэрарыстаў», каб змагацца з «распальваннем варожасці» або «пагрозай нацыянальнай бяспецы». Аднак, на думку праваабаронцаў, пасля падзей 2020 года сілавікі выкарыстоўваюць гэтыя спісы для таго, каб запалохваць, маргіналізаваць і караць людзей, а таксама розныя ініцыятывы, грамадскія арганізацыі і партыі, якія прытрымліваюцца грамадска-палітычных поглядаў, адрозных ад поглядаў рэжыму Лукашэнкі.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
